As visitas escolares á  Biblioteca Pública Juan Compañel son formativas, informativas e de entretemento. Teñen como obxectivo dar a coñecer as posibilidades que ofrece este espazo para os nenos e nenas.  Nelas amósanse as instalacións, os fondos e a organización para que os rapaces e rapazas  aprendan a desenvolverse de xeito autónomo na biblioteca.

Durante a visita os escolares visualizarán vídeos explicativos da historia, funcionamento e recursos da biblioteca, pasarán polo espazo de exposición e consulta de libros curiosos, e disfrutarán de  contacontos, xogos e actividades didácticas na área infantil-xuvenil.