Escola Municipal de Artes e Oficios de Vigo

Centro socio-educativo, cunha antigüidade de máis de 120 anos, dedicado á formación non regrada para persoas adultas en especialidades relacionadas coas artes plásticas, os oficios artísticos e artesanais. Desde o centro, realízanse labores de dinamización sociocultural nesas áreas. A EMAO conta con biblioteca e hemeroteca con fondo histórico e contemporáneo, especialmente técnico relacionado coas especialidades que se ofertan.

Normalmente, e agás que se solicite algo específico en función do campo de interese, estudos ou idade dos visitantes, a visita consistirá en:

• Breve presentación da Escola na Hemeroteca. Visita á Biblioteca histórica para coñecer libros e revistas ilustradas (fondos dende o século XVI)

• Visita a dous ou tres obradoiros.
• Se hai exposición aberta, visita ao Espazo EMAO