Museo ANFACO da Industria Conserveira

O Museo ANFACO ten como misión a conservación do patrimonio industrial e bibliográfico da industria conserveira de peixes e mariscos española e a difusión da súa historia entre todos os cidadáns, vista a través da evolución da organización empresarial que desde 1904 a representa.

É un espazo cheo de contido onde, a través de obxectos tales como antigas latas, documentos, maquinaria, fotografías, se traza un percorrido polas orixes e a consolidación do sector das conservas de peixes e mariscos.

Trátase dun espazo multidisciplinar,  no cal conviven e dialogan a ciencia, a historia, a publicidade ou a tecnoloxía, por citar algunha das disciplinas presentes no Museo ANFACO.