Museo Etnográfico Liste de Vigo

Este museo recolle os aspectos máis salientables da nosa cultura tradicional. Máis de 2.500 pezas distribuídas en salas temáticas que abranguen oficios, medicina popular, relixiosidade, entre outros. Cultura material que, na súa humildade, nos fala dun rico mundo inmaterial que conforma a idiosincrasia do noso pobo.

No museo o alumnado atopará unha ampla exposición de elementos etnográficos funcionais: apeiros de labranza, de oficios diversos como o de zapateiro, zoqueiro, cereiro, apicultor...