ESTÁS EN : Portada | Novas

O programa “COÑECE O TEU CONCELLO” ten como obxectivo achegar os escolares á administración municipal dando a coñecer a estrutura, funcións e competencias do Concello de Vigo e reflexionando sobre o papel e a eficacia das administracións na garantía dos servizos públicos.

O Concello convértese así en ferramenta didáctica fundamental, en recurso pedagóxico transversal para a comunidade escolar que contribúe a que o alumnado entenda o funcionamento do noso sistema democrático e de representación.

O participantes, escolares de 5º e 6º de Primaria e 1º e 2º de Secundaria, terán oportunidade de descubrir o Concello desde dentro, o que lles permitirá coñecelo para entender o espazo, onde diariamente se toman decisións que afectan á nosa vida diaria e ao noso futuro. Só coñecendo os elementos que constitúen e dotan a entidade,  será posible que os alumnos e alumnas, cidadáns do futuro, sexan quen de comprender a importancia da institución.

Consultar ficha