Saiáns é unha pequena parroquia costeira de 1,82Km2 no extremo sur-occidental do concello, que linda con Nigrán polo sur e coa parroquia de Oia polo norte. Conta, segundo o último censo, con 3.814 habitantes. Aínda que con cotas non tan altas coma as doutras parroquias, o dominio visual sobre o sur da ría dende o monte do Castro de Estea, duns 170m de altura, e dende o monte de Cabezo de Saiáns, 395m, é completo.

No ROTEIRO ETNOARQUEOLÓXICO DE ESTEA-CAL DE OUTEIRO atoparemos exemplos de todo tipo da riqueza patrimonial dos montes de Saiáns: desde asentamentos prehistóricos ao aire libre e antigos castros até minas de auga ou muíños de río do século XIX.

No ROTEIRO PANORÁMICO DE ARTE RUPESTRE podemos admirar catro mostras da nosa arte rupestre, desde o Parque Forestal de Saiáns, ascendendo polas pistas até o Alto da Bandeira, contando ademais cunha ampla panorámica sobre a bocana da ría de Vigo