Visita o teu Concello

“Visita o teu Concello” é unha iniciativa didáctica que promove o Servizo Municipal de Educación para escolares de 5º e 6º de educación primaria e 1º e 2º da ESO dos centros escolares de Vigo.
. O obxectivo desta actividade é achegar dun xeito didáctico aos escolares á administración municipal da nosa cidade, dando a coñecer a estrutura, funcións e competencias do Concello de Vigo e reflexionando sobre o papel e a eficacia das administracións locais como garantes dos servizos públicos.
Durante esta visita está previsto percorrer algúns dos servizos municipais con máis interese para os escolares, explicando o funcionamento de cada un deles e dando a posibilidade, se é factible, de participar activamente nalgún deles mediante algún xogo ou actividade práctica. En función da disponibilidade puntual dos servizos e atendendo as súas necesidades, a proposta didáctica a visitar sería semellante ao seguinte:
• A lonxa e o concepto de ventá administrativa única para o cidadán (Pranta baixa). • Auditorio Municipal “Cidade de Vigo”. • Dependencias do Gabinete da Alcaldía. • Sala de xuntanzas da Xunta de Goberno Local. • Salón de Plenos da Corporación Municipal. • Sala de control de tráfego. • Laboratorio Municipal. • Escola de Danza Municipal. • Sala de prensa.