Auditorio Municipal de Vigo

O Auditorio Municipal do Concello de Vigo, situado na Praza do Rei, ten unha capacidade de 281 butacas máis catro espazos habilitados para persoas en cadeiras de rodas. Conta cunha programación estable e diversa, en canto á tipoloxía de actividades e ao público ás que se dirixen, ao longo de todo o ano: artes escénicas, cine, xornadas, conferencias...; ademais, ofrece a posibilidade de ser alugado, segundo as bases de utilización aprobadas pola Xunta de Goberno Local de data 25 de xaneiro de 2013. O recinto foi remodelado no ano 2010 e reabriuse a principios de 2011.