Biblioteca Municipal Xosé Neira Vilas

A Biblioteca Pública Municipal Xosé Neira Vilas é unha biblioteca pública, e como tal ten por obxectivo ser un centro de comunicación, información e promoción lectora da comunidade.
A comunidade educativa ten unha forte presenza na realidade social na que se asenta a biblioteca, e xoga ademais un importante papel na formación de hábitos lectores e de busca de información nos rapaces dende idades temperás, de aí o interese por establecer unha colaboración entre a escola e a biblioteca, que poden complementarse nas súas atribucións.
Cos programas escolares preténdese que tanto o alumnado como o profesorado se acheguen ao mundo da biblioteca dunha forma lúdica e amena, que permita, dun lado, que o alumnado que participe nas vistas ao centro valore a biblioteca como un lugar de formación á vez que de lecer, e doutro, que o profesorado que o acompañe descubra neste espazo un lugar onde poder atopar recursos educativos útiles para facilitar o desenvolvemento do seu traballo. Deste xeito, a través das visitas á biblioteca, as persoas participantes familiarízanse co uso das súas instalacións, coñecen o seu funcionamento e as posibilidades formativas que ofrece, e ao mesmo tempo descobren un espazo no que poder pasar o seu tempo de ocio.
Para facer este achegamento máis ameno e atractivo, partimos dun tema concreto que sirve de fío condutor á visita e que vai mundando cada curso académico. Unha vez que sabemos como funciona a biblioteca, en cada visita presentaremos aos participantes diversos títulos relacionados coa temática escollida cada curso, achegando unha visión amena e chea dea anécdotas da materia. Todo isto acompañado de actividades participativas que completarán a visita e farán da mesma unha experiencia única.
Os contidos de cada visita e as actividades a realizar estarán sempre adaptados ao nivel educativo dos participantes.