MARCO – Museo de Arte Contemporánea de Vigo

O MARCO funciona como centro de arte contemporánea dinámico e participativo. A súa actividade principal son as exposicións temporais dedicadas á produción artística recente nos máis variados eidos creativos. O programa educativo desenvólvese en paralelo ás mostras temporais, sacando partido das posibilidades didácticas das obras presentes en salas.
A experiencia consiste nun percorrido polas salas de exposición, e unha actividade-obradoiro relacionada, que se leva a cabo na sala de Didáctica (Espazo Anexo) situada na praza peonil posterior. Tanto a visita como o obradoiro están especialmente adaptados aos distintos grupos, con contidos diferenciados para cada grupo de idade.