Vigo Nature

Vigo Nature exerce un labor divulgativo excepcional, permitindo que todos os escolares crezan coñecendo un pouco máis as características e costumes dos animais e que saiban apreciar a sempre sorprendente natureza. As visitas guiadas buscan no só dar a coñecer as diferentes especies que acolle en Vigo Nature, senón tamén que o alumnado coñeza porque están aquí, cales foron as súas historias, que lles acontece ás diferentes especies para necesitar da nosa axuda fronte as súa ameazas de extinción, etc. A visita compleméntase coa observación e uso de diferente material biolóxico coma plumas, pelo, dentes, cornamentas, etc., que serven de material de apoio e son clave para asentar certos coñecementos.